Tuesday, December 6, 2011

புதிய இந்தியா! படித்ததில் பிடித்தது

புதிய இந்தியா!

"levis jeans" ஸும்,"van heusen"ஸும்
வந்ததால் - எங்களின்
பருத்தி காதி துணிகள்
பழசாய்ப் போயின!

"நைட்டியும்","கவுனும்"
வந்ததால் - எங்களின்
தாவணிகளும்,புடவைகளும்
தரமிழந்துப் போயின!

"pizza" வும் "burger" ரும்
வந்ததால் - எங்களின்
இட்லி,சப்பாத்திக்களை
சுவை இழக்க வைத்தன!

"axe perfume" உம் "olay" க்களும்
வந்ததால் - எங்களின்
மஞ்சளும்,மருதாணிக்களும்
வாசம் இழந்துப் போயின!

"valentine's day, friendship day" க்களும்
வந்ததால் - எங்களின்
நட்புக்களும்,கல்யாணங்களும்
கோர்ட் படிகள் ஏறுகின்றன!

"cricket"டும்,"golf" பும்
வந்ததால் - எங்களின்
கபடியும்,மல்யுத்தமும்
களையிழந்துப் போயின!

"wine" னும்,"vodka" வும்
வந்ததால் - எங்களின்
கூழையும்,கள்ளையும்
குழித்தோண்டிப் புதைத்தன!

"standard charted,american express bank" கும்
வந்ததால் - எங்களின்
கூட்டுறவு வங்கிகள்
திவாலாகிப்போயின!

"dollar ,euro" க்களும்
வந்ததால் - எங்களின்
மூளைகள் வெளிநாடுகளில்
அடமானத்திற்க்கு விற்கப்பட்டன!

இதோ....
"walmart" டும்,"tesco" வும்
வருவதால் - எங்களின்,அண்ணாச்சி கடைகளும்
நாடார் அங்காடிகளும்,செட்டியார் வியாபாரங்களும்
உழைக்கும் விவசாயிகளும் கூட இனி...
அமெரிக்கர்களின் எகாதிபத்யத்தில்
மீண்டும் அடிமையாகப் போகிறார்கள்.

இருப்பதை விட்டுவிட்டு
பறப்பதற்கு ஆசைப்படும்
அரசியல் அதிகாரிகளுக்கு
மீனைவிட தூண்டில் பெரிதென்று
புரிவதெப்போது?
Udanz

3 comments:

ராஜ் said...

பாஸ்,
நல்ல கவிதை....எனக்கு ரொம்ப பிடித்த வரிகள் கிழே.
//"walmart" டும்,"tesco" வும்
வருவதால் - எங்களின்,அண்ணாச்சி கடைகளும்
நாடார் அங்காடிகளும்,செட்டியார் வியாபாரங்களும்//

Ruthra said...

வாழ்த்துகளுக்கு நன்றி ..தொடர்ந்து எழுதுவதற்கு உங்கள் ஆதரவு தேவை...

ருத்ரா

viswanathanchidambareswaran said...

நல்ல வரிகள் நண்பா... மீண்டும் வியாபாரம் என்ற பெயரில் ஒரு கருப்பு சரித்திரத்தை உருவாக்க பாக்கிரார்கள் நம் வரலாற்றில் இந்த அந்நிய நாடினர் விழித்துஇருக்க வேண்டியது அவசியம் இப்பொழுது...
இனி தீயா வேலை செய்யனும் இந்தியர்கலாகிய நாம்..
மீண்டும் போராட நம் நாட்டில் உண்மையான அரசியல் வாதிகளும் இல்லை தன்னம்பிக்கையும் மனதைரியமும் நாட்டுபற்று கொண்டவரும் இல்லை முதலிலே தடுப்பது நல்லது .ரஜினி மாதிரி ஸ்டார்டிங் லந்தே அடிக்கணும் ......

Post a Comment